ਤਾਜਾ ਖਬਰਾਂ
ਜੇਨੇਵਾ, 12 ਮਈ: ਅਮਰੀਕਾ ਅਤੇ ਚੀਨ ਦੇ ਵਿਚਕਾਰ ਵਪਾਰਕ ਤਣਾਅ ਨੂੰ ਘਟਾਉਣ ਵਾਸਤੇ ਇਕ ਮਹੱਤਵਪੂਰਨ ਵਪਾਰ ਸਮਝੌਤਾ ਹੋਇਆ। ਇਸ ਦੌਰਾਨ ਦੋਵਾਂ ਦੇਸ਼ਾਂ ਨੇ ਟੈਰਿਫਾਂ ’ਚ 115% ਤੱਕ ਦੀ ਕਟੌਤੀ ਕਰਨ ਦਾ ਐਲਾਨ ਕੀਤਾ। ਸਮਝੌਤੇ ਦੇ ਅਨੁਸਾਰ ਹੁਣ ਅਮਰੀਕਾ ਚੀਨ ਤੋਂ ਆਉਣ ਵਾਲੇ ਸਾਮਾਨ ’ਤੇ 30% ਟੈਰਿਫ ਲਗਾਏਗਾ, ਜਦਕਿ ਚੀਨ ਅਮਰੀਕੀ ਉਤਪਾਦਾਂ ’ਤੇ ਸਿਰਫ਼ 10% ਟੈਰਿਫ ਲਗਾਏਗਾ। ਇਹ ਕਟੌਤੀ ਫਿਲਹਾਲ ਤਿੰਨ ਮਹੀਨਿਆਂ ਲਈ ਅਸਥਾਈ ਤੌਰ ’ਤੇ ਲਾਗੂ ਰਹੇਗੀ। ਇਹ ਸਮਝੌਤਾ ਜੇਨੇਵਾ ਵਿਚ ਹੋਈ ਦੋ ਦਿਨਾਂ ਦੀ ਗੰਭੀਰ ਗੱਲਬਾਤ ਤੋਂ ਬਾਅਦ ਕੀਤਾ ਗਿਆ, ਜਿਸ ਵਿਚ ਦੋਵਾਂ ਧਿਰਾਂ ਨੇ ਆਪਣੀਆਂ ਆਰਥਿਕ ਲਾਭਾਂ ਅਤੇ ਵਪਾਰਕ ਸੰਬੰਧਾਂ ਨੂੰ ਧਿਆਨ ਵਿਚ ਰੱਖਦਿਆਂ ਇਹ ਫੈਸਲਾ ਲਿਆ। ਅਮਰੀਕਾ ਵੱਲੋਂ ਇਸ ਸਮਝੌਤੇ ਨੂੰ ਵਪਾਰ ਘਾਟੇ ਨੂੰ ਘਟਾਉਣ ਦੀ ਕੋਸ਼ਿਸ਼ ਵਜੋਂ ਵੇਖਿਆ ਜਾ ਰਿਹਾ ਹੈ, ਜਦਕਿ ਚੀਨ ਨੇ ਇਸਨੂੰ ਦੋਵਾਂ ਦੇਸ਼ਾਂ ਵਿਚਕਾਰ ਭਰੋਸੇ ਅਤੇ ਆਰਥਿਕ ਸਹਿਯੋਗ ਦੀ ਨਵੀਂ ਸ਼ੁਰੂਆਤ ਕਰਾਰ ਦਿੱਤਾ ਹੈ।
Get all latest content delivered to your email a few times a month.